هيفاء وهبي بعد صورتها الأخيرة.. أزمة إضاءة أم تعرضت لمؤامرة؟

- الإعلانات -

تصدرت الفنانة هيفاء وهبي، تريند مواقع التواصل الاجتماعي، خلال الساعات الماضية، بعد ظهورها خلال المؤتمر الصحفي الذي سبق حفلتها في موسم الرياض، بملامح صادمة يظهر عليها التقدم بالعمر وفشل جراحات التجميل، ما دفع عدداً كبيراً من المشاهير للتصدي للدفاع عن النجمة اللبنانية وأكد أغلبهم أن الصورة المتداولة لا تعبر عن الملامح الحقيقية لهيفاء وتأثرت بالإضاءة الخافتة، وذهب البعض لوجود مؤامرة على وهبي.

الفنانة فيفي عبدة، خرجت ببث مباشر عبر خاصية الاستوري بحسابها الشخصي على موقع إنستغرام، للتعبير عن غضبها من سخرية البعض من هيفاء وهبي وقالت: متضايقة جداً من الكلام اللي بتقول على هيفاء، هي طول عمرها زي القمر ومن الستات الباربي، الإضاءة مكنتش كويسة، وهيا خاسة شوية دا لوك ومن حق الفنان يعمل اللي هو عايزه أمال ليه فنانين عشان الناس تقليدها يا جماعة، عمالين ضجة ليه وأدي وهبي فين هيفاء، أهو ده اللي أنتو فالحين فيه.

الإعلامية ياسمين عز، تصدت للدفاع عن هيفاء وهبي خلال برنامجها “كلام الناس”، المذاع على mbc مصر، وقالت: الست في الحقيقة فلقة قمر، وعندها جمال الشكل والروح والكاريزما، كلمني عن الأدب وهي بتتكلم، عن الثقة بالنفس والاحترام في ردها على الصحافة، أو كلمني عن الرزانة ولغة الجسد المظبوطة وحركتها على المسرح، وطلتها المحتشمة لكن في نفس الوقت حلوة وفيها جاذبية، هي ما شاء الله القالب غالب وجسمها لبيس، في ثوابت مينفعش نخبط فيها، منها هيفاء وهبي وجمالها، الست دي أمها مصرية سمراء جذابة روحها حلوة، وأبوها لبناني أشقر عيونه خضرا وحاجة أجنبية، الخلطة دي طلعت حاجة اسمها هيفاء وهبي.

وقالت مروة صبري خلال برنامجها “قعدة ستات”: الرجالة طول الوقت يفرجوا ستاتهم على هيفاء وهبي ويقولولهم شوفوا هيفاء، دلوقت بقى هما اللي يفرجوا رجالتهم ويقولولهم هي دي هيفاء؟ على فكرة أنا قابلت هيفاء في الساحل ومشفتش في جمالها الحقيقة قعدت أتأمل فيها ساعة وأقول أيه الجمال ده ماشاء الله وشها وجسمها مفيهمش غلطة”.

واختمت: أكيد حد وصى عليها عشان يصورها من الزاوية الوحشة والضلمة دي ويطلعها بالشكل ده، جربوا بنفسكم تتصوروا صورة بدون إضاءة وشوفوا شكلكم هتطلعوا إزاي.

في حين قال عنها محمود المهدي طليق الفنانة منة عرفة: كمية تنمر على شكلها من امبارح مش طبيعية كلنا هنوصل السن ده وتجاعيد وشنا هتبان وهنكبر، وفي مننا وصل لكده من الهم والتعب والمرض وأهلنا وصلوا لكده دي سنة الحياة والبنات الكتير اللي بتتنمر عليها دلوقتي هيبان على أغلبكم بدري لإنه هيكون بعضهم مش معاها تعمل عمليات تجميل، اللي بيفضل روح الشخص ياجماعة عمرها ما كانت بالشكل ودائمًا الناس اللي بتختار الشكل ومبيفرقش معاها الروح بتخسر في الأخر، بقينا بنهتم بالمظاهر ونسينا المضمون زي ناس كتير بتلبس ماركات ولبس نضيف ومن جواها ماتتعاشرش.

اقرأ أيضا: “الحمدالله على سلامتي”… شاهدوا ما حصل مع هيفا وهبي في السعودية!

قد يعجبك ايضا